Chlättere und Brätle

Boottrip nach Rosendal

Geschter hei mir d Glägeheit gha mit em nä Schiff, wo so nä Ustuschorganisation äxtra für üs gmietet het, nach Rosendal ds fahre. D Fahrt dört häre het öppe 2h duret und dört hei mir när ou chli chönne verwile! Mit em Wätter hei mirs wieder einisch perfekt troffe! Sö jetz muess i hie ufhöre und mi schleunigst wider mim Essay für d Uni widme! Gruess

Chuchiparty!

Hie gseht dir paar Bildchen vorä Chuchiparty wo relativ spontan ds Stang cho isch aber schlussändlech de bis am Morge am haubi 8i duret het!!!

Ulriken-Flöyen

Hallo. Ig weiss i ha scho lang nüt meh veröffentlecht und das wo dir jetz do gseht si ou relativ auti Biuder, ungefähr Ändi Mai. Mir si denn bi Sunneschin (wie me jo gseht) und relativ höche Tämperature vom Ulriken uf e Flöyen gloffe. Die Waderig hei mir am Morge am haubi öufi gstartet und si ersch am Abe am 8i wider deheim gsi. Isch aber eigentlech nid so nä längi Tur, aber mir heis relativ gemüetlech gno! Gruess

Hallo. Die Biuder wo dir do gseht si aui uf üsem Trip uf d Lofotä entstange! Mir si ds Bergen gstartet und mit em Zug nach Bodö gfahrä. Die Zugreis het über 25 h duret! Vo Bodö si mir när mit em Schiff nach Stamsund gfahrä wo mir 5 Nächt irä Jugendherberg verbracht hei. Mir si 13 Studänte gsi und hei die Jugendherberg praktisch für üs allei gha! Isch super gemütlich gsi! Vo Stamsund us hei mir när mit üsne Mietouto verschideni Usflüg ungernoh. Am Schluss si mir när mit em Outo vo Stamsund nach Bodö zrügg gfahrä wo mir wider dr Zug nach Bergen gnoh hei. Mir si aui chli trurig das die wunderschöni Reis scho verbi isch! Jetz söt ig de ändlech mau richtig mit em lehre startä!
Wünsche ä gueti Zyt! Gruess

Es paar verschideni Biuder

Hei. Letscht Wuche si mir zwe Täg go Skifahrä, einisch uf Voss und einisch uf Eikedalen. Das si die zwöi nächstä Skigebiet, beidi öppä 1h vo Bergen entfährnt. D Temperaturä si i dä letschtä Täg ou hie gschitgä und drum isch dr Schnee scho chli sulzig gsi. Isch aber trotzdäm luschtig gsi. Das hie nid dr Idruck entsteit, dass ig hie nur am Ferie mache sig hani ou no näs Föteli vor Uni drbi. Das isch d Mensa vor juristischä Fakultät, isch sehr schön mit derä Glasfront und ganz gäbig um chli öppis ds läse oder so. Witer hani no es Foto vo mim Verchersmittu, mim Peugeot!
Gueti Zyt, Gruess

Hei. Jetz isch Sunntig Abe und mir hei eigentlech die ganzi Wuchä würklech schöns Wätter gha! Mir hei ou relativ viu ungernoh: am Mittwuch si mir einisch meh uf Voss go skifahrä, geschter hei mir äs Auto gmietet und si bi schönschtem Wätter a nä Fjord gfahrä und anschliessend no über nä Hochebeni mit viu Schnee und töifä Tämperaturä (minus 27) und hüt bini schliesslch no schnäu uf einä vo dä 7 Husbärgä vo Bergen (Lövstakken heisst dä Bärg, für d Insider ;-). Muess würklech sägä das die Wuche glungä isch, vorauem dr Usflug mit em Auto isch absolut dr Hammer gsi. Wünschä euch aunä ä schöni Wuchä! Gruess